ذكرى معلقه..

في نهايه صفحه المدونه دائما اقرأ التوقف عن قراءه الموضوع ,ياترى متى يجي اليوم الي ماعاد اشوف فيها المدونه ولاعاد اكتب فيها

قسم الخواطر هو حكايتي,كتبت فيه اجمل احساس وفيه دفنتها ,حين اشاهد هذا القسم اعود لذكرى قديمه,لن تتكرر

استغفر الله العظيم

ابتعد لكن يجبرني الشعر على اعاده ذكرى
https://www.youtube.com/watch?v=ShnCDtinWtk

يارب يسر لي اختباري وحقق كل امنيه عشت عشانها

احاكي نفسي واتألم ,حتى نفسي ضاقت من كآبتي ,صرت احط حاجز لكل الناس حولي ولو ماتكلمت

متى اقول
ليه ,كذا,يوه,امنيتي الليله,طيب,واضحك من قلبي
سأنام وفي فكري ذكرى لاسواها

حين اجد دعوه صادقه من انسانه ساعدتها لوجه الله افرح كثيرا ليس الا لانني استطعت ان افرج من هم الغير

وصف واقعي ,احببت هذا المقطع لاجل الكلمات التي نطقت
https://www.youtube.com/watch?v=-NeQ6lXnyGQ

احيان الضغط الذي اشعر به يجعلني اريد البكاء فجأة ولكنني لاابكي لأنه لن يفيد في بعض الاحوال

استغفر الله والحمدلله

استغفر الله

سويت حليب لاخواتي كلهم جالسين ويسولفون بس اول مرة اسوي شي ولاافكر بشي بس ودي اخلص وانام وهم يكملون سهرتهم
استغفر الله هي افضل شي نقوله لما نلاقي نفسنا فاضين

بعض القصص تأثر فيني لمجرد انسانه قريبه بكت لأسباب اعلمها,قسوتها لم تكن من فراغ بل من حزن كان فيها واستوطنها,ليتني استطيع ان افعل شيئا لانسانه احترم شموخها ولكن احترامي جعلني رسميه التعامل معها فأنا
لم اعد تلك الفتاه الفضوليه التي تسأل بعفويه اكبر وتلقائيه في السؤال,حين نكبر نتغير تبعا لما تعطينا اياه هذه الحياه

اليوم رجعت ونمت وكانوا كل خواتي المتزوجات موجودين من الظهر صايمين وقالوا نفطر سوا وزوجه اخوي وعيال اختي نمت وصحيت العصر وفيني صداع من ازعاجهم بس بنفس الوقت مبسوطه لان ايام
الدراسه كئيبه وممله ,كل وحده منهم تفننت في الطبخ وانا لما صحيت مالقيت شي اسويه انتظرت لين الفطور وبعد الفطور والصلاه قمت سويت لهم شاي حبق وبنت اختي تعطيني كتابها وتقول حلي لي
اعترف ان الجمعه حلوه وتخليني انبسط ,على 9 كلهم راحو وقمت على الاواني والصواني وكنست البيت وبخرته وجاء اخوي وعطيته شاي وسولفت معه شوي ,سويت لي شاي قليل بس هالمره حطيت مراميه
وطعمها غريب بس عجبني لاني من زمان عنها وبعد مابخرت البيت قلت اكتب يوميه مختلفه عن الي كنت اكتبه من قبل وبس

تذكرتك يااسماء اليوم ,قد لااعلم الكثير ولكنني اعي ماتعنيه كلمه "الم
الله يوفقك

الحمدلله الحمدلله الحمدلله

الله يسامحك يانوره اليوم مهما سويتي والله مااقدر انسى الي سويتيه,مدري ليه حسيت ان طيبتي ضرتني اكثر من مره ولاتعلمت

لم اذرف الدمع في عزاه,وبعدها اصبحت ابكي حين اشعر بالظلم /القهر/طيبتي/لضيق وياكثر الضيق,يسألوني ليه البكاء وارد اقول تذكرت ابوي

ماعاد بابكي لأن الشي المفقود مابيرجع مثل الدموع اذا طاحت ماترجع

رحت اشوف العاب قديمه بقسم الترفيه,كان افضل قسم لي وكنت بالبدايه ادخل المنتدى عشانه الشي الي كان يبسطني وماكنت امل ابد ,يوم جلست اشوف الالعاب القديمه وردودهم ابتسمت على الردود الي كنا نكتبها
وكل الي كانوا بالالعاب ماعادو بالقسم وكأن البسمه صعب توفيرها بهالوقت

يوم امي تقول اعتمد عليك مااقدر اخيب ظنها

ليت كل حرف اكتبه يبين وش فيني

اليوم خفت وبغيت ابكي خوف لأن الموقف الي انحطيت فيه خوفني على اختي ,الحمدلله ان ربي ستر يارب ابعد عني كيد الشيطان