ذكرى معلقه..

بكيت

لادفتر قديم يفرحني ولاصديقه صرت احب اتابع كل شي بصمت اعرف حقيقه وحده اني تعلمت الكثير يوقت قصير واحس ان هالشي كان زين ,التهور بالكلام تركته والخواطر مرحله لااكثر
احيان احاول اكتب وقبل شوي حاولت بس ماقدرت سبحان الله ياقوه المشاعر تخلي القلب يبوح واذا قدر الرب شيء علينا نرضى به ,رضيت باللي كتبه ربي وتركت القلم للغير..
بقى مجلد اقراه كل ماتمنيت شي والشي الوحيد الي يخليني ابتسم هي كتاباتي المتهوره بوقتها اعترف اني على طول اقرأ هالجزء من حياتي يمكن لانه افضل جزء نهايه قاسيه لكن خلتني اقوى
ودروسها اكثر ..

صورة قمر حسيت بقربها لي ذكرتني بتصميم مضى تمنيت اكون بالصورة حسستني بالسكينه وتجبرني اتأمل الصورة وقت طويل

ليه البحر........؟

لذه الطاعه....هناك قصه دائما احن الى قراءتها حين اشعر بوحده غريبه قرأتها ثلاث مرات ودائما اشعر براحه بعد قراءتها كم اتمنى ان اجعل هذه القصه نبراسا للكل واخبر بها من اتمنى ان اخبره

البشر مشغوله ,يارب ارزقني على قد نيتي

كل مابغيت انام احس بصعوبه وكل ماقريت المجلد ابتسمت ابتسامه غير مايفهمها الا الي يعرف ان الاماني ماتتحق على هوانا

الشي الي اعرفه اني احاول ابين فرح مو من قلبي بس عشان .....مدري ليه

المباركه بالعيد تكون عاديه الا اليوم لانها مباركه فرحتني ولو شوي

احاول اتأقلم لكن طعم الفرح والله ماذقته اصعب شي لما تحس بوحده روح

كيف للخيال الي ببالي يصير حقيقه,صارت لي وبكتني يارب اسعده مثل مافرحني

ليتني اقدر ابكي مثل اول حتى البكاء يصير صعب بصعوبه الي بالقلب,ودي اقدر اقول اكثر بس صعب والله صعب ويتعبني

كيف اشرح شي موجعني كيف اقول ان الوقت استوى عندي ماعاد يفرق ليل او نهار اقرأ اشعار واحسها انكتبت فيني وبقلمي من كثر ماتوصف شي بداخلي ماقسوت غير على نفسي
بأتعود يمكن اتعود يارب خفف من اوجاع سكنتني

متى ها الليل يعتقني لوجه الصبح يايمه..؟

جتنــي وقالـت لك هـــوايـــــة تبـــــكيني
.... فيه ابيات وانا اقراها تحسسني بشيء حبيت وجوده يمكن مااحب اشرح لكن فيه ابيات تضل لها مكانه بقلبي غير لانها لي احساس حلو وانا اقراها

أحلم وحلمي صعب بالحيل بالحيل ....
من يخرجه من وسط عنق الزجاجه ....؟
.

احيان ودي اضحك على الحال واتعجب من هالزمن كيف يسرق البسمه من فم اليتم

ليه ,ودي اقولها وباعلى صوتي ودي اقولها وانا ابعد الضيقه الي بصدري ودي بس لوحدي افضل لي لوحدي

رسمتك حلم....ماكان لقب وبس عرفت انه فعلا حلم

صداع اتعبني احتاج وقت عشان ارتاح

سوالفي كان يحتويها واليوم الصمت لغتي وال"عيد"كلمه دائما لاتفرحني

استغفر الله

ضياع الروح ,ليه دائما مااحب العيد وليه دائما احس بوجع بهالليله بالذات اليوم نفس الشي بس من جد فارقت ناس كانوا معي العيد الماضي
سبحان الله كيف هالدنيا غريبه وتوجع الي قلوبهم واضحه اقرأ كل شي قديم واحب كل شوي اشغل مباركه وصورة بنت فراشه ونشيد الي كان خيالي مصورها
وصارت واقع وابكتني بشكل مؤلم بس كمان حلو,كل كلامي صعب ينفهم

حافظ غلاك وصاينك وانت غايب
ولو كنت مدري كيف حالك بفرقاك